«Կորել է միջին տարիքի տղամարդ մոծակ: Վաղ առավոտյան դուրս է եկել տնից, գնացել աշխատանքի և այլևս չի վերադարձել: Արտաքին նշանները` մեծ-մեծ աչքեր ու կեդեր: Տեսնողներին խնդրում ենք դիմել Մոստիկանության մոտակա բաժանմունք: Գտնողին խոստանում ենք պարգև` արյան տեսքով»:
Իսկ հետո արդեն եկավ մոծակիս կայք դառնալու ժամանակը...
-ը խերով լինի մեր կայք....
Երեխան լաց է լինում, որովհետև քնել չի ուզում, իսկ նրա երիտասարդ մայրիկը չափազանց շատ է ուզում, որ նա վերջապես քնի, որովհետև արդեն 3-րդ օրն է իր հեռուսատսերիալը չի դիտել ու հիմա գոնե կարող է գիշերային կրկնությանը հասցնել: Ու թեկուզ դա վաղուց հնացած տարբերակ է համարում, բայց որոշում է դրան էլ դիմել ու սկսում է հեքիաթ պատմել, երեխան մեծ-մեծ բացում է աչքերը, զարմացած լսում, հետո սկսում ինչուների տարափ տեղալ, որոնց նրա մայրիկը մի կերպ է կարողանում պատասխանել: Հերթական հարցը տալուց հետո նա հոգնած փակում է աչքերը ու պատասխանն արդեն երազում է տեսնում, իսկ մայրիկը շտապում է հեռուստացույցի մոտ և ճանապարհին մտածում, թե որքան լավ կլիներ, որ այն ժամանակ, երբ ինքը կույր աղիքի վիրահատությունից հետո պառկած էր հիվանդանոցում ու դեռ «նառկոզից» դուրս չէր եկել, հիվանդանոցի գլխավոր բժիշկը համբուրեր իրեն ու հաներ «նառկոզից», հիվանդանոցի կախարդանքն անհետանար ու ինքը հիմա բժիշկ-արքայազնի հետ հեռու-հեռու լիներ և ոչ թե վարձու բնակարանում «սմենի» գնացած Խաչիկին սպասեր: |
| Արմեն Օհանյան |
Հեքիաթի հերոսներն ապրում են հեքիաթի մեջ և թվում է` ամեն անգամ երբ մենք հեքիաթը նորից ու նորից ենք կարդում, հեքիաթի հերոսները ամեն ինչ սկսում են նորից ու մեր աչքի առջև բեմադրում են ողջ հեքիաթը: Ստացվում է հեքիաթի հերոս լինելն էլ է աշխատանք: Իսկ քանի որ միշտ պետք է նույն բանն անել, ստացվում է արդեն ձանձալի աշխատանք: Եվ հեքիաթը նորովի մշակող հեղինակն էլ որոշում է իր հերոսի կյանքը մի քիչ ավելի հետաքրքիր դարձնել, նրա արկածներն արդեն հնացել են, ավելացվում են: Կարմիր Գլխարկի հետ այդպես է վարվում ժամանակակից արձակագիր Արփի Ոսկանյանը: Ահա Կարմիր Գլխարկի ևս մեկ, չափազանց հետաքրքիր տարբերակ, որտեղ գործողությունները տեղի են ունենում այնքան արտասովոր ու սովորական, ինչպես մեր մարդկային առօրյա կյանքում: 
Զարմանալի է, բայց ժամանակի ընթացքում գողերն ու հանցագործները կարծես ավելի հիմար են դառնում, կամ էլ բոլոր հիմարները որոշում են գողությամբ զբաղվել: Դա նաև իր դրական կողմերն ունի: Նախ ոստիկանության համար շատ հեշտ է դառնում նրանց հայտնաբերելը, և հետո՝ մեզ մի կուշտ ծիծաղելու նորանոր առիթներ են ընձեռվում: Ահա դրանցից մի քանիսը.զվարճալի կողոպուտներ խանութներում:
Երևի ձեզ պատահել են մարդիկ, որ բարձրացել են երթուղային, հետո նոր միայն հարցրել. «Էս ո՞ր համարն ա...»: Ինձ հետ էլ է այդպես հաճախ պատահել: Նույնը այսօր, միայն մի տարբերությամբ... Հանգիստ նստել էր կողքիս ու գլուխը դանդաղ ու ինչ-որ ռիթմով շարժում էր: Ես մտածեցի՝ երևի ականջակալներով երգ է լսում: Փորձեցի ավելի մոտիկիից զննել, ի վերջո հետաքրքիր էր՝ մեղուների ականջակալներն ինչ տեսք ունեն: Մեկ էլ նա այնպես վեր թռավ, որ քիչ էր մնում քթիս բախվեր: Խեղճ տղա, երևի քնած էր: Ու սկսեց բզզալ, այնպես էր բզզում, որ մեղքս եկավ: |
| "Պեպո" |
Ոչ միայն հայրենի Ռուսաստանի, այլև ողջ աշխարհի ամենահայտնի դրամատուգներից մեկի` Անտոն Պավլովիչ Չեխովի ստեղծագործություններն էլ էկրանավորվել են բազմաթիվ անգամներ: Նրա պիեսների և պատմվածքների հիման վրա նկարահանվել է 235 կինոնկար և 10 մուլտֆիլմ: 
Կան այնպիսի հեղինակներ և այնպիսի գործեր, որոնք հավանաբար երբեք չեն դադարի բեմադրել ու էկրանավորել: Յուրաքանչյուր իրապես տաղանդավոր դերասան կարող է նոր Համլետ կերտել, և ամեն տաղանդավոր ռեժիսոր բեմադրել այս պիեսը նորովի: Չմոռանանք ասել, իհարկե, որ Համլետ խաղալը և Համլետ բեմադրելը շատ շատերի երազանքն է և քչերին է հաջողվում պատվով դուրս գալ այս ՙառաջադրանքից՚: 
Ողջ աշխարհում բնակչության թվով առաջին տեղում Չինաստանն է, երկրորդում` Հնդկաստանը, իսկ երրորդ տեղը` Ֆեյսբուքն է զբաղեցնում: Եթե այս սոցիալական կայքը պետություն լիներ, ապա կունենար ավելի քան 600 միլիոն բնակիչ, իսկ այս պետության նախագահն էլ կլիներ ամենաերիտասարդը` 26-ամյա Մարկ Ցուկերբերգը: Ցուկերբերգը դեռ նախագահ չէ, բայց ամենաերիտասարդ միլիարդատերն է:
Ֆուտբոլից ոչինչ չհասկացողների համար ֆուտբոլը պարզապես այն է, երբ 22 մարդ առանց դադարի վազում են գնդակի հետևից, մինչդեռ միլիոնավոր մարդկանց համար ֆուտբոլը մի ամբողջ կյանք է, իսկ սիրելի թիմի յուրաքանչյուր խաղ` իսկական տոն: 
