"Ցուրտ է, մի քիչ, դե, շատ քիչ, նույնիսկ կարելի է ասել բոլորովին ցուրտ չէ,եթե հաշվի առնենք, որ ավելի ցուրտ էլ է լինում: Հա, իրոք ցուրտ չէ: Բայց երբ մենակ ես, ուզես-չուզես, մրսում ես:
Ես մենակ եմ,բայց ավելի մենակ էլ եմ եղել, հիմա մենակ չեմ, այ օրինակ ձորի այն կողմում եղնիկ կա, փոքրիկ, կանաչ եղնիկ: Գլուխը շրջել ու ինձ է նայում: Ի՞նչ ես էդպես նայում: Դուրդ եկել եմ, հա՞: օ~, շոյված եմ: Ճիշտն ասած, նախկինում չեմ լսել շների ու եղնիկների ամուսնությունների մասին, բայց որ ասում ես…
Դե, ինչ կա որ , կարելի է փորձել: Ես կարգին տեղը տեղին շուն եմ, ուժերի ծաղկման փուլում, հիմա մի փոքր լավ մարզավիճակում չեմ, բայց կարևորը ձգտումն է, չէ՞: Դուէլ վատիկը չես, մի քիչ կանաչ ես, մի քիչ տարօրինակ, բայց դե առանց թերությունների ոչ եղնիկ կգտնես, ոչ շուն: Իսկ ինչու չես շարժվում, հը՞: Լավ, հասկացա, քարացել ես իմ հմայքից: Կրկնակի շոյված եմ:
-Չհոգնեցի՞ր:
-Բա ինչ արեցի:
-Ծառ է էլի , իր համար աճել է, ինչ ես ժամանակ վատնում: Քեզ ո՞վ էր խնդրում մենակ-մենակ գայիր էստեղ,մի հատ էլ մենակությունից բողոքեիր:
-Ես չեմ բողոքում, ես շատ էլ լավ եմ ինձ զգում: Եթե հաշվի չառնենք որ մի քիչ ցուրտ է, ամեն ինչ պարզապես հրաշալի է:
Սա ի՞նչ աղմուկ է: Պահո~, մարդիկ էլ կան այստեղ, հա՞":
-Երեխեք, եկեք, հեսա…Կտեղավորվենք չէ՞ երեքով: Վայ, երեխեք, էս ինչ ա, շու~ն ա, երեխեք, նայե’ք….
"Հա, շուն եմ, հետո՞, շուն չէ՞իք տեսել: Նստեք,տեղավորվեք, նեղ անենք-տեղ անենք: Չե՞ք ուզում կողքիս նստել, ձեր գործն է, ես մարդ եմ, դուք՝ շուն , թու,հակառակը, ի՞նչ տարբերություն: Միայն թե ինձ ձեռք միտուր հա՞: Ի՞նչ ես ուզում: Ես ընկերոջ կարիք չունեմ, ոչ էլ քո շոյանքների: Քաղցած էլ չեմ, թխվածքաբլիթդ քեզ պահիր:Ես ոչինչ էլ չեմ ուզում, ոչինչ, հասկանու՞մ ես, միայն լաց լինել: Իսկ մարդիկ դեռ դժգոհում են իրենց ճակատագրից: Հիմարներ, ախր դուք լաց լինելու հնարավորություն ունեք,լաց եղեք ինչքան սիրտներդ ուզում է: Իսկ իմ արցունքները միայն ներս են հոսում: Կյանքից եք փիլիսոփայում, հա՞: Դուք ի՞նչ եք հասկանում: Երեխա եք դեռ: 2 տարօրինակ տղա ումի սիրունիկ աղջիկ: Ի՞նչ եք ուզում կյանքից: Բա ինձնի՞ց:Ինչո՞ւ չեք հրում, գոռում վրաս, ասում, որ կորչեմ գրողի ծոցը:Եվ դեռ ինձ հետ էլ զրուցում եք:
Հա, դուք էլ մրսեցի՞ք, բա ինչ եք նստել էս սառը քարին, շուտ տուն գնացեք: Ե՞ս: Շնորհակալություն, որ անհանգստանում եք ինձ համար, բայց ես այստեղ կմնամ, բոլորովին ցուրտ չէ, քաղցած չեմ, ի՞նչ եք կպել, մենակ էլ չեմ, ու մի գրամ էլ չեմ տխրում: Գուցե հանգի՞ստ թողնեք վերջապես:
Արդեն գնու՞մ եք: Լավ, հաջողություն: Հուսով եմ դեռ կհանդիպենք: Բայց եթե հանկարծ լաց լինել ցանականաք, անպայման լաց եղեք: Արցունքների հետ երևի այնքան էլ միայնակ չէ":
Անահիտ Ալեքսանյան
4 Մեկնաբանություն:
հիմա հետաքրքիր ա, ինչից առաջացավ այս միտքը,,
Hetaqrqir mtqer unes, ete apagayum sepakan lratvamijocs unenam, qez ampayman knkatem:::::
vaaaaaaaaaaaay, mersiiii, ete es el unenam, duq el hameceq)))))
es mitqn arajacav erku gizh @nkerneri het andundi ezr@ gnaluc u ayntex es shunikin tesneluc u ira a4qerin nayeluc heto :) patasxan 8 amis ushacumov :)